اهلا وسهلا..

كل سنه وانتم طيبين..

لو بتحب تكتب اى حاجه.. تقدر تجرب دلوقتى وتكتب.. جايز ربنا يفتحها فوشك وحد يكتشفك.. وجايز ربنا يكرمك اكتر وتلاقى كلامك عمل المفاجأه الكبيرة وفرقع وعمل ضجه وانت اصلا مكنتش متوقع.. وجايز بيل جيتس يكون بيعمل سيرش على كلمة Cairo Writer يقوم داخل هنا ويلاقيك كاتب كلام يعجبه فيقوم قايل هاتولى ده…. ابااااااا.. كده يبقى انت وصلت وصلة محصلتش… وحتلاقى بى بى سى عربى وسى ان ان عربى وسى بى سى سفره ونتا ماشى بقى!! … الو حضرتك اللى كنت كاتب المقالة فى ونس دوت اورج.. حتقلهم ايوا.. حيقلولك خليك معايا احنا الكنترول حندخلك هواا دلوقتى.. وتقعد كده تطلع من هوا تخش فهوا. ونتى عارف الباقى بقى…. تقلى انت بتقول اى كلام علشان مش معقول بيل جيس اصلا حيكون بيدور علكلمه دى وحيدخل يشفنى… حقولك سعتها ممكن حد يكون بيدور على سى بى سى سفره ويدخل هنا ويقرا كلامك يلاقيه احسن من اللى كان حيشوفه فالبرنامج.. ولو عجبه كلامك حتى لو بكلمه صغيرة.. شوف حب الناس يساوى ايه … اهو تصبيره لحد ما جيتس يجيتس. وبعدين لو مجاش . ممكن خطيب بنته حتى!.. ودى سهله .. واهو ربع العمى ولا العمى كله…

سورى التليفون بيرن.. حكتبلكو تانى انشاء الله

شارك على

اترك تعليقاً