انا مخطوبه وساعات بحس ان انا وهو مش بنتفق في الاراء وكمان..

سؤال ملخصة بيقول ..انا مخطوبه وساعات بحس ان انا وهو مش بنتفق في الاراء وكمان بتقلب بخناق وعند في بعض ومعرفش هنستفاد ايه وده تاعبني جدا.. بس احنا بنحب بعض وبصراحه بيستحمل مني كتير اوي بس بيجي في شوية حاجات صعبه عندي وبيتكلم فيها .. زي مثلا انه بيقيد حريتي وعايز يعرف كل حاجه عني بالتفاصيل وانا مش بحب الكدب

يا اما احكي غصب عني وانا من جوايا مش راضيه بكده يا اما نتخانق.. دي اكتر حاجه بتخنقني في علاقتنا ..

انا بتخنق جدا بسبب انه بيتحكم في حريتي وانا لسه في بيت بابا

مره كنت نازله اجبله هديه وكنت عايزا اعمله مفجأه عادي يعني روحت عملت بتقديري ليه واتصل وقولت هنزل اشتري حاجه وهاجي قالي يا اما اجي معاكي يا مافيش نزول خالص

وفي اي حته بروحلها بيعمل معايا كده وغصب عليا لازم اوافق يا اما تحصل مشكله

نا عارفه ان ده خوف عليا بس بحس في بعض الاوقات انه شك وقلت ثقه فيا لان اهلي مش بيعملوا معايا كده

هو ده اللي مضايقني بالادق قلت الثقه

اعمل ايه

تقول ايه لو كنت مكانى؟!